Կրթություն
Կրթությունը նպաստում է տնտեսական զարգացմանը, սոցիալական բարեփոխումներին, հասարակության կյանքին քաղաքացիների մասնակցությանը և հող է նախապատրաստում ապագա առաջնորդների երևան գալուն: Այռեքսն աշխատում և համագոծակցում է անհատների, կրթական հաստատությունների և իշխանության մարմինների հետ ամբողջ աշխարհում կրթության մատչելիությունը և որակը բարելավելու նպատակով:
Այռեքսն այնպիսի ծրագրեր է մշակում և խորհրդատվական ծառայություններ մատուցում, որոնք նպաստում են շարունակական կրթությանը՝ տարրական, միջնակարգ դպրոցներից մինչև բարձրագույն կրթություն, ներառելով շարունակական մասնագիտական վերապատրաստումը:
Այռեքսի կրթական ոլորտի հիմնական գործունեությունները ներառում են՝
-
Կրթական հաստատությունների զարգացում
-
Ուսուցիչների, դասախոսների, ուսանողների վերապատրաստումներ
-
Ուսումնական ծրագրերի մշակում
-
Միջազգային հետազոտություններ և մասնագիտական դրամաշնորհներ
-
Արտասահմանում բուհական և հետբուհական ուսուցում
-
Կրթական տեխնոլոգիաների կիրառում |
Անկախ լրատվություն
Անկախ լրատվությունն ազատ տեղեկատվության փոխանակման միջոցով նպաստում է քաղաքացիների տեղեկացվածության և ակտիվ մասնակցության աճին և օժանդակում ժողովրդավարական և տնտեսական զարգացումներին:
Մասնագիտացված լրատվության ոլորտը հիմք է ստեղծում առավել թափանցիկ և արդյունավետ կառավարման համար, աջակցում է բաց ու արդար տնտեսության զարգացմանը և ստեղծում սոցիալական ու քաղաքական հարցերի պատասխանատու քննարկումներ կազմակերպելու հիմքեր:
Այռեքսն աշխատում և համագործակցում է տեղական գործընկերների հետ՝ ապահովելու թերթերի, ռադիոյի, հեռուստատեսության և էլեկտրոնային լրատվամիջոցների մասնագիտական որակները և երկարաժամկետ տնտեսական կայունությունը: Մասնագիտացված ծրագրերը և փոքր դրամաշնորհները պայմաններ են ստեղծում հավասարակշռված և հետազոտությունների վրա հիմնված թողարկումների և հոդվածների պաշտպանության, ինչպես նաև լրատվամիջոցների ավելի լավ կառավարման և խոսքի ազատության համար:
Ծրագրի ոլորտները ներառում են՝
- Լրագրողների վերապատրաստում և կրթություն
- Լրատվության ռազմավարություն և կառավարում
- Բիզնեսի զարգացում և գովազդ
- Նորությունների և հասարակական կապերի թողարկում
- Լրատվամիջոցների մասին օրենսդրության բարեփոխումներ և շահերի պաշտպանություն
- Տեխնոլոգիա և ենթակառուցվածքների զարգացում
|
Քաղաքացիական հասարակության զարգացում
Քաղաքացիական հասարակության զարգացումն օգնում է քաղաքացիներին, շահույթ չհետապնդող կազմակերպություններին և իշխանության մարմիններին համագործակցել միմյանց հետ՝ բարելավել իրենց համայնքներն ու ամրապնդել արդյունավետ կառավարումը:
Այռեքսը հաշվի է առնում կոնկրետ համայնքների կարիքներն ու դրա վրա կառուցում իր վերապատրաստման ծրագրերը և մոտեցումները՝ հնարավորություն տալով շահառուներին արդյունավետորեն ծառայել իրենց համայնքների անդամներին:
Այռեքսը հատուկ ծրագրեր է մշակում հասարակության թերի մարգինալ, թերի ներկայացված խմբերի համար, ինչպիսիք են կանայք, երիտասարդները, ազգային փոքրամասնությունները, իմունային անբավարարություն ունեցող անհատները և հաշմանդամները:
Ծրագրի ոլորտները ներառում են՝
- Քաղաքացիների մասնակցություն և շահերի պաշտպանվածություն
- Համայնքների և սոցիալական զարգացում
- Համագործակցության կառուցում և ցանցերի ստեղծում
- Տեխնոլոգիաների մատչելիություն և վերապատրաստում
- Կանանց հնարավորությունների, լիազորությունների ընդլայնում
|
